Eleccións Sindicais

Mediante eleccións sindicais e a través de sufraxio persoal, directo, libre e secreto elíxense os órganos de representación do persoal empregado público en cada centro de traballo/unidade electoral (artigo 12.1 do Real decreto Lei 20/2012).

O tipo de representación unitaria do persoal empregado público varía atendendo ao tipo de persoal:

- Persoal funcionario, cuxos órganos de representación son os Delegados de Persoal (cando o censo de traballadores sexa superior a seis e inferior a 49) e as Xuntas de Persoal (censo a partir de 50 traballadores).
- Persoal laboral, cuxos órganos de representación son os Delegados de Persoal (cando o censo de traballadores sexa superior a seis e inferior a 49) e Comités de Empresa (censo a partir de 50 traballadores).

Resultados provisionais
Acordo de recoñecemento de resultados

Información Adicional

Para máis información podes consultar a seguinte normativa de aplicación:

“Lei 9/1987, do 12 de xuño, sobre órganos de representación”
“Real Decreto 1846/1994, que aproba o Regulamento de eleccións aos órganos de representación do persoal ao servizo da Administración Xeral do Estado”
“Real Decreto 1844/1994, do 9 de setembro, que aproba o Regulamento de eleccións aos órganos de representación dos traballadores na empresa”

A representación sindical, pola súa banda, confórmase a través das Seccións Sindicais e os Delegados Sindicais (artigos 8 e seguintes da Lei Orgánica 11/1985, do 2 de agosto, de Liberdade Sindical).