Internacional

Sobre a coordinación de determinadas disposicións legais, regulamentarias e administrativas dos Estados membros relativas á prestación de servizos de comunicación audiovisual (Directiva de servizos de comunicación audiovisual). Toda a información sobre a Axenda Dixital e a AVMSD.

Directiva 2010/13/UE do Parlamento Europeo e do Consello do 10 de marzo de 2010 sobre a coordinación de determinadas disposicións legais, regulamentarias e administrativas dos Estados membros relativas á prestación de servizos de comunicación audiovisual (Directiva de servizos de comunicación audiovisual)

Directiva (UE) 2018/1808 do Parlamento Europeo e do Consello do 14 de novembro de 2018 pola que se modifica a Directiva 2010/13/UE sobre a coordinación de determinadas disposicións legais, regulamentarias e administrativas dos Estados membros relativas á prestación de servizos de comunicación audiovisual

Directiva 20/10/13/UE do Parlamento Europeo e do Consello do 10 de marzo de 2010 [PDF] [913 KB]

sobre a coordinación de determinadas disposicións legais, regulamentarias e administrativas dos Estados membros relativas á prestación de servizos de comunicación audiovisual (Directiva de servizos de comunicación audiovisual)

Actividades da Unión Europea. Audivisual e Medios de Comunicación.

Seguimento de aplicación da Directiva de servizos de comunicación audiovisual.

No Consello de Europa, a Subdirección Xeral de Ordenación dos Servizos de Comunicación Audiovisual representa a España no Consello de Europa, concretamente no Comité Director de Medios e Sociedade da Información (CDMSI). O CDMSI é o principal órgano do Consello de Europa que se ocupa da política dos medios de comunicación de masas, cuxos obxectivos se fixan nas Conferencias Ministeriais europeas que se celebran periodicamente. O traballo do CDMSI plásmase en Declaracións, Recomendacións e Resolucións que carecen de forza vinculante, pero comprometen moralmente aos estados membros a adecuar a súa lexislación ás directrices aprobadas coa finalidade de harmonizar as prácticas sociais e xurídicas dos mesmos.

Web do Consello de Europa.

Creado en 1992, o Observatorio Europeo do Sector Audiovisual é un centro único de recollida e difusión de información sobre a industria audiovisual en Europa.

El Observatorio prové información sobre os diferentes mercados audiovisuais en Europa e o financiamento dos mesmos. Así mesmo, encárgase de analizar e elaborar informes sobre as diferentes normativas legais que afectan á industria audiovisual europea.

O Observatorio, xestiona MAVISE, unha base de datos de acceso libre sobre servizos de comunicación audiovisual televisivos lineais e servizos a pedimento en 41 países europeos e Marrocos.

Web do Observatorio audiovisual europeo.

Web MAVISE

O artigo 33ter da Directiva 2018/1808, do 14 de novembro estableceu formalmente o Grupo de Entidades Reguladoras Europeas para os Servizos de Comunicación Audiovisual (ERGA). O ERGA está integrado por representantes das autoridades ou organismos reguladores nacionais no ámbito dos servizos de comunicación audiovisual que teñan a responsabilidade primaria da supervisión dos servizos de comunicación audiovisual.

Os labores do ERGA serán:

a) prestar asesoramento técnico á Comisión na súa misión de garantir a aplicación coherente da Directiva en todos os Estados membros, e naquelas cuestións relacionadas cos servizos de comunicación audiovisual dentro das súas competencias;

b) intercambiar experiencias e mellores prácticas sobre a aplicación do marco regulador dos servizos de comunicación audiovisual;

c) cooperar e facilitar aos seus membros a información necesaria para a aplicación da presente Directiva

d) emitir informes, a pedimento da Comisión, sobre os aspectos técnicos e fácticos da Directiva Audiovisual

Web de ERGA

EPRA é unha plataforma internacional independente formada por Autoridades Reguladoras europeas en materia audiovisual. Intégrana países de dentro e de fóra da Unión Europea. Pretende regular o sector de maneira transnacional, superando fronteiras e compatibilizando as variadas regulacións existentes en cada país.

Se trata dunha organización independente que se constitúe como un foro de discusión e intercambio de información. Doutra banda, EPRA ten a vocación de chegar a ser un referente á hora de solucionar problemas sobre a interpretación das normas do sector audiovisual e, desta maneira, lograr a armonización de todas as actuacións relacionadas coa materia.

EPRA está formada por 49 institucións de 41 países europeos. Cada país pode ter tres representantes como máximo. España está representada pola Comisión Nacional dos Mercados e a Competencia, o Consello Audiovisual de Cataluña e o Consello Audiovisual de Andalucía.

Web Plataforma europea de Reguladores do audiovisual.