Os investimentos e gastos elegibles dos programas de axudas cofinanciados polo FEDER están suxeitos a normativa específica ademais da reflectida na Orde de Bases reguladora da axuda.
Ademais da normativa europea de aplicación que se describe máis adiante, é de aplicación a Orde HFP/1979/2016, do 29 de decembro, pola que se aproban as normas sobre os gastos subvencionables dos programas operativos do Fondo Europeo de Desenvolvemento Rexional para o período 2014-2020. Nela detállanse as normas xerais sobre a elixibilidade dos gastos, enuméranse os gastos que non son subvencionables polo FEDER, establécense as condicións específicas relativas aos gastos subvencionables en función da súa localización e faise referencia ás normas aplicables ás subvencións e á asistencia reembolsable.