Ministroen Kontseiluak Funtzio Publikoaren Legearen aurreproiektua onartu du gaur, lehen itzulian. Arau horrek giza baliabideen eredu publiko bat ezartzea bultzatuko du, gaitasunetan oinarritutakoa, eta talentua erakartzen eta atxikitzen lagunduko duena. Horren bidez, Administrazioari arau-esparru bat eman nahi zaio, gizartearen egungo erronkei erantzun ahal izateko, Estatuko Administrazioaren lidergo berritzailea indartuz.
Lege hori Berreskuratze, Eraldatze eta Erresilientzia Planaren (PRTR) konpromisoetako bat da, eta honako printzipio hauen aldeko apustua egiten du: planifikazio estrategikoa, langileen hautaketa Administrazioaren beharretara egokitzea, jarduna ebaluatzea, zuzendaritzako langile publiko profesionalak arautzea edo lanbide-karrera berriro arautzea.
Karrera profesional osoko berdintasuna, elkarrizketa soziala eta ikaskuntza dira legea inspiratzen duten zeharkako printzipioak.
Gainera, testuan jasotako neurri ugariek, orain jendaurrean jarriko denak, Enplegatu Publikoaren Oinarrizko Estatutua (EPOE) garatzen dute.
Lege-aurreproiektuan jasotako erreformak mugarriak dira Funtzio Publikoaren arloan:
1.- Plangintza estrategikoa, Administrazio Publikoaren helburu estrategikoak lerrokatzeko.
2. Lan-jardunaren ebaluazioa enplegu publikoaren ereduan sartzea. Eredu horren helburua da produktibitatea hobetzea eta lanbide-karrera enplegatu publikoaren eginkizunak betetzera egokitzea.
3. Karrera profesional horizontala arautzea da barne-sustapen profesionalaren aldeko apustuaren beste berrikuntza handietako bat. Hau da: tarteen ibilbide batean aurrera egitea, lanpostu-aldaketarik egin beharrik gabe.
Gaur onartutako aurreproiektuaren testuak bi soldata-osagarri berri sortzea aurreikusten du enplegatu publikoentzat:
Lehenengoa karrerako osagarria da. Horrek ibilbide profesionalean lortzen den progresioa ordainduko du. Zenbatekoa berdina izango da lanbide sailkapeneko talde edo azpitalde bereko funtzionario guztientzat, aitortua badute.
Bigarrena lan-jardunaren osagarria izango da, lanbide-karreran planteatutako lan-jardunaren ebaluazioak gainditzeari lotua. Ebaluazio horiek nahitaezkoak izango dira.
Etorkizuneko legean jasoko den Jaurlaritzaren beste konpromisoetako bat da zuzendaritzako langile publiko profesionalak arautzea, funtsezko profila baita Administrazio Publiko modernoaren kontzepzioan.
Alde horretatik, indartu egiten da zuzendaritza-postu horiek betetzen dituztenek lortzen dituzten emaitza profesionalekiko duten egokitasuna, gaitasuna eta orientazioa.
Azkenik, lege-aurreproiektuak funtzio publikoan sartzeko eredu mistoa aukeratzen du, lanbide-gaitasunen ezagutzan eta ebaluazioan oinarritua, eta enplegu publikoa lortzeko demokratizazioaren aldeko apustua egiten du.
Lotura prentsa-oharrari.