Tasaren elementuak

Jabari publiko irrati-elektrikoa erreserbatzeagatiko tasak jabari publiko erradioelektrikoaren edozein maiztasun modu pribatiboan erabiltzeko erreserba kargatzen du, pertsona edo erakunde baten edo batzuen alde. Komeni da nabarmentzea zergatzen dena maiztasunen erreserba izatea dela, eta ez horiek benetan erabiltzea.

Salbuespen gisa honako kasu hauek ezartzen dira, tasa hori ordaindu beharrik izango ez dutenak:

• Erreserba erradioelektrikorik ez duten estazio hartzaile hutsak.
• Satelite bidezko irrati-difusio soinudun zein telebistakoen beheranzko loturak.

Tasaren subjektu pasiboa jabari publiko irrati-elektrikoaren erreserbaren titularra izango da sortzapenaren unean.

Tasaren zenbatekoa urtero ordaindu beharko da. Hasieran, demanioa erabiltzeko titulu gaitzailea ematen den egunean sortuko da, eta, ondoren, urte bakoitzeko urtarrilaren 1ean.

Ordainarazteko prozedura errege-dekretu bidez ezartzen da (gaur egun, abenduaren 30eko 1620/2005 Errege Dekretua dago indarrean). Tasaren administrazio-likidazioa egingo da; administrazioak likidatu eta zergapekoari jakinarazi ondoren, Altxor Publikoan sartu beharko da.