O Consello de Ministros aprobou o Real Decreto para a Oferta de Emprego Público (OEP) correspondente ao ano 2023, que inclúe o maior número de prazas ofertadas para traballar na Administración do Estado da historia. En total, trátase de 39.574 prazas, un 15,8% máis que na OEP de 2022, coas que se reforzarán os persoais en distintos departamentos da Administración Xeral do Estado, na Administración de Xustiza, no Corpo Nacional de Policía, na Garda Civil e as Forzas Armadas.
Trátase dunha oferta na que se incorporado unha taxa de reposición adicional á xa existente para lograr unha creación de emprego neta na Administración.
Esta OEP, acordada cos sindicatos UXT e CSIF no marco da Mesa Xeral de negociación entre sindicatos e Administración, implica a terceira marca consecutiva en número de prazas convocadas tras as de 2021 e 2022. Do total, 27.246 postos corresponden á quenda libre, destinado a quen queiran incorporarse á Administración. Sobre esa cifra, hai que resaltar que 18.621 postos son para cumprir coa taxa de reposición e evitar a perda de persoal, mentres que as restantes 8.625 servirán para crear emprego neto. As outras 12.328 da cifra total da OEP serán para promoción interna.
O groso dos postos ofertados corresponde á Administración do Estado, para o que se contemplan 29.818 prazas, das que 19.947 son de libre ingreso e 9.871 de promoción interna.
Dese total, haberá especificamente 709 para os Entes Públicos e 1.094 para os funcionarios de Administración Local con habilitación nacional.
Outro número destacado son os 8.790 postos no subgrupo C1, que son case o 40% do total.
Para a Administración de Xustiza inclúense 1.907 prazas, o que supón que é a maior oferta dos últimos 7 anos, no Corpo Nacional de Policía outros 2.833 postos e para a Garda Civil ata 2.875. Outras prazas incluídas a destacar son 57 para persoal docente, 66 para o persoal INGESA ou 236 para persoal estatutario da Rede Hospitalaria da Defensa. Xunto ao anterior, cabe destacar que no pasado mes de maio xa se aprobaron 2.141 prazas para as Forzas Armadas e a Escala de Oficiais da Garda Civil.
Esta oferta está enfocada a reforzar a atención presencial en todo o territorio, con máis do 40% do total de prazas destinadas a persoal que se ocupe desas funcións
Inclúense novidades para o desenvolvemento das oposicións, como que a fase de exames dure un máximo de nove meses ou que todas as convocatorias deban publicarse antes do 31 de decembro de 2023