O INAP publicou a posta en marcha de novos itinerarios formativos de capacitación competencial profesional do grupo de apoio administrativo. Confeccionáronse tres itinerarios: Xestión administrativa, Atención á cidadanía e Secretariado de alta dirección.
Estes itinerarios están dirixidos a funcionarios e funcionarias do grupo C e ao persoal laboral equivalente, e neles trabállanse sete competencias distintas a través de once actividades formativas:
- Aprender a aprender
- Habilidades comunicativas e de relación
- Procedemento administrativo común
- Goberno multinivel e prestación de servizos públicos
- Orientacion ao cidadán e resolución de problemas
- Asisitencia á dirección
- Dereitos cidadáns nas relacións coa administración pública
- Inglés
- Xestión documental e de arquivos
- Información e atención á cidadanía
- Xestión de eventos e protocolo
Poderán participar nas actividades formativas que conforman os tres itinerarios os funcionarios e funcionarias de corpos ou escalas do Grupo C e o persoal laboral equivalente. O INAP, dentro dos seus plans anuais, convocará as accións formativas de cada un dos itinerarios que se rexerán polo réxime académico do plan anual de formación no que se inclúan e polas condicións específicas de cada convocatoria.