Desde o 21 de setembro os servizos provinciais de MUFACE de Áraba, Ourense e Zaragoza contan coa sede electrónica e o teléfono 060 como canles para solicitar a cita previa nas súas oficinas, obrigatoria en MUFACE desde o pasado 25 de maio. En total, xa son vinte as oficinas que contan con este servizo: Áraba Albacete, Alacante, Badaxoz, Barcelona, Cádiz, Castelló, Córdoba, Granada, Xaén, Madrid, Málaga, Murcia, Navarra, Ourense, As Palmas, Sevilla, Tenerife, Valencia e Zaragoza.

O teléfono 060 e sede electrónica, que traballan sobre a aplicación común da Secretaría Xeral de Administración Dixital, achegan o valor engadido da seguridade e rastrexabilidade, e a posibilidade de concertar cita en calquera momento. Ademais, son dúas canles crave en oficinas cun volume importante de xestión.

Como balance do sistema de cita previa en MUFACE, ofertáronse entre xuño e agosto 98.460 citas. Delas, utilizáronse 46.287, é dicir, un 47%. As empregadas e empregados públicos de MUFACE tamén atenderon a persoas sen cita, informándolles do novo sistema. Finalmente, as urxencias sen cita que se atenderon foron 10.705, relacionadas con cuestións sanitarias que precisan atención inmediata. O total de persoas atendidas durante o citado trimestre foi de 91.156.

A información completa sobre as canles que atenden a solicitude de cita en cada servizo provincial pódese atopar nesta ligazón.