No Boletín Oficial do Estado do 31 de xullo, publicouse a Resolución da Subsecretaría do Ministerio de Política Territorial e Función Pública, pola que se aproba a actualización da Carta de Servizos de MUFACE para o período 2020-2023.
A carta de servizos é o instrumento a través do cal a Mutualidade informa ás súas mutualistas e beneficiarios sobre os servizos que ten encomendados, sobre os dereitos que lles asisten e sobre os compromisos de calidade adquiridos na súa prestación.
Desde a aprobación da anterior carta de servizos correspondente ao período 2014-2017, MUFACE levou a cabo un proceso de transformación e fortalecemento que se iniciou coa posta en marcha do Plan de Impulso 2017-2020. Para consolidar este proceso modernizador da entidade, iniciáronse os traballos de elaboración do novo plan estratéxico MUFACE 20-23.
Pode accederse á carta de servizos na súa versión extensa e ao cuadríptico nesta ligazón.