Operadorez aldatuz gero, telefono-zenbakiaren eramangarritasunari jarritako mugak kendu ditu Gobernuak
25/05/2020
Ministroen Kontseiluak gaur onartu du operadorez aldatzeko mugak kentzea erabiltzaileei, telefono-zenbakia mantenduz; eramangarritasun esaten zaio horri. Murrizketa hori ezohiko egoera batean hartu zen, eta COVID-19aren osasun krisiari aurre egiten laguntzea zuen helburu, erabiltzailearen zein telekomunikazio enpresetako teknikarien joan-etorri fisikoak mugatuz.
2020ko maiatzaren 26an.- Ministroen Kontseiluak gaur onartu du operadorez aldatzeko mugak kentzea erabiltzaileei, telefono-zenbakiari eutsiz; eramangarritasun esaten zaio horri. Murrizketa hori ezohiko egoera batean hartu zen, eta COVID-19aren osasun krisiari aurre egiten laguntzea zuen helburu, erabiltzailearen zein telekomunikazio enpresetako teknikarien joan-etorri fisikoak mugatuz.
Neurri horrek herritarren osasuna babesten eta pandemiaren progresioa geldiarazten lagundu zuen, komunikazio elektronikoen zerbitzuen prestazioa mantenduz eta konektibitatea bermatuz.
Alarma-egoerak iraun duen bitartean hartu diren neurrien ondorioz, gaur egun, Espainiak mugikortasuna murrizteko ezohiko neurriak pixkanaka murrizteko prozesua hasi du. Normaltasun berrirako trantsiziorako Planak, 2020ko apirilaren 28an onartuak, ekonomiaren sektore guztiak pixkanaka suspertzea aurreikusten du.
Estatuko lurralde osoa 1. edo 2. fasean dagoenean, eramangarritasun-mugak ezabatzeari esker, telekomunikazioen merkatuak dinamismoa eta eraginkortasun osoa berreskuratu ahal izango ditu, eta, aldi berean, herritarrek beren beharretara hobekien egokitzen diren zerbitzuak aukeratzeko gaitasuna berrezarri ahal izango da.
Gaur onartutako errege lege-dekretua indarrean jartzen denean, indargabetuta geratuko da martxoaren 17ko 8/2020 Errege Lege Dekretuaren 20. artikulua, eta operadoreek komunikazio elektronikoak ez eteteko aparteko betebeharra izango dute soilik, funtsezko zerbitzuak baitira, alarma-egoera amaitutzat eman arte, baita ordaindu ez duten abonatuen kasuan ere.
Hori dela eta, gaur onartutako neurriek barne hartzen duten prozedurak erraztu egiten die abonatuei ordaintzeke dituzten fakturak malgutasunez ordaintzea.
Komunikazio elektronikoen operadoreek zatikatzeko eta geroratzeko eskaini beharko dute abonatuek izan dezaketen zorra, alarma-egoera hasi denetik 2020ko ekainaren 30era arte. Ordainketa zatikatuak egiteko epea sei hilabetekoa izango da, non eta abonatuak operadorearekin libreki beste epe bat adostu ez duen; orduan, ezin izango da berandutze-interesik sortu, eta ez da bermerik eskatuko zorra zatikatzeko eta geroratzeko.