O número de atención telefónica 060 empezou a proporcionar información sobre asuntos relacionados co Plan de Recuperación, Transformación e Resiliencia. Trátase dun novo servizo de asistencia e acompañamento dirixido especialmente a particulares, pemes e autónomos que ten como obxectivo facilitar o seu acceso ás convocatorias de axudas abertas no marco deste plan.

O 060 é unha canle de atención telefónica da Administración Xeral do Estado que dá soporte á cidadanía as 24 horas e os 365 días do ano. Na actualidade, o 060 integra preto de 230 liñas telefónicas de distintos órganos administrativos e máis de 25 servizos de atención ao cidadán.

No marco desta integración e unificación dos distintos números de atención telefónica da Administración Xeral do Estado, impulsada polo Ministerio de Facenda e Función Pública, xunto con o Ministerio de Asuntos Económicos e Transformación Dixital, iniciouse a colaboración do 060 co Plan de Recuperación, Transformación e Resiliencia.

Desta maneira, o 060 servirá de portelo único de atención á cidadanía, para canalizar as consultas telefónicas en torno aos fondos europeos.

Máis información