No Boletín Oficial do Estado do pasado 30 de xuño, publicouse a Resolución de24 de xuño de 2021, pola que nomean funcionarios de carreira do Corpo de Enxeñeiros Navais

Trátase dun corpo da Administración Xeral do Estado adscrito ao Ministerio de Transporte, Mobilidade e Axenda Urbana, cuxa labor se desenvolve fundamentalmente nos servizos centrais da Dirección Xeral de Mariña Mercante. As funcións consistirán, na revisión dos proxectos, deseño e elaboración técnica dos buques, con responsabilidade en áreas do sector marítimo como embarcacións de recreo, loita contra a contaminación, calidade, certificación, entre outras. Ademais existen outras opcións laborais en organismos internacionais como a Organización Marítima Internacional ou a Axencia Europea de Seguridade Marítima.

Para participar no proceso selectivo os aspirantes teñen que estar en posesión ou cumprir os requisitos necesarios para obter o título de Enxeñeiro Naval ou aquel que habilite para o exercicio da profesión regulada de Enxeñeiro Naval e Oceánico, segundo establecen as Directivas Comunitarias.

O proceso selectivo consistirá en 4 exercicios cun total 127 temas: a fase de oposición constará de catro exercicios obrigatorios e eliminatorios.

O Primeiro exercicio consistirá en contestar por escrito un cuestionario composto por 100 preguntas, o Segundo exercicio está destinado a acreditar o coñecemento do idioma inglés cunha proba escrita e outra oral.

O Terceiro exercicio consistirá no desenvolvemento oral de tres temas e o cuarto e último consistirá na resolución por escrito dun suposto práctico.

O curso selectivo consistirá nun período de formación de carácter teórico organizado pola Subdirección Xeral de Recursos Humanos do Ministerio de Transportes, Mobilidade e Axenda Urbana, de conformidade co disposto no Real Decreto 953/2018, do 27 de xullo.