A Dirección Xeral da Función Pública ha publicado o Boletín Estatístico do Persoal ao Servizo das Administracións Públicas (BEPSAP) con datos actualizados a xaneiro de 2021 no que se destacan que 2.710.405 efectivos traballan ao servizo das Administracións Públicas, 111.924 máis con respecto a xullo de 2020. O maior aumento tivo lugar entre o persoal das CCAA, con 87.294 efectivos máis, debido aos axustes de persoal que as CCAA tiveron que realizar como consecuencia da emerxencia sanitaria do COVID19. Séguelle a Administración Local cun incremento de 26.047. O Sector Público do Estado, pola contra, reduciu os seus efectivos en 1.417.
Máis da metade de efectivos (59,63%) presta servizo no sector público das Comunidades Autónomas, seguido dun 21,39% no sector público da Administración Local e o 18,98% no sector público do Estado. Un dos trazos que definen ao emprego público en España, á vista destes datos, é a súa descentralización, en consonancia coa propia organización territorial do Estado
Tamén se ofreceron datos relativos á evolución de efectivos nas administracións públicas no período 2011-2021. Neste período, Institucións Sanitarias (15%) e Docencia Non Universitaria (13%) son as áreas que máis aumentaron os seus efectivos neste período, seguidos de Universidades (5%) e a Administración de Xustiza. (3%). Os Corpos de Policía Autonómicos mantivéronse estables. O resto de Áreas experimentaron un descenso, desde un 2% para Forzas e Corpos de Seguridade do Estado a un 22% para o caso de Administración do Estado.
O Boletín Estatístico do Persoal ao servizo das Administracións Públicas analiza a situación dos efectivos que traballan para as Administracións Públicas (AAPP) desde varias perspectivas, segundo xénero, idade ou distribución territorial, desagregando tamén segundo estes efectivos formen parte de ministerios, organismos autónomos ou axencias estatais.
Pode consultarse máis información sobre estes datos nesta ligazón e acceder ao Boletín Estatístico do Persoal ao servizo das Administracións Públicas aquí