No Boletín Oficial do Estado do 24 de xuño, publicouse o Real Decreto-lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.

No artigo 11 desta norma prevese que, con carácter excepcional, a habilitación temporal para a execución da oferta de emprego público ou instrumento similar das Administracións Públicas e dos procesos de estabilización de emprego temporal previstos nas Leis de Orzamentos Xerais do Estado para o ano 2017 e 2018, convocadas conforme a regulación do artigo 70.1 do texto refundido da Lei do Estatuto Básico do Empregado Público, cuxo vencemento se produza no exercicio 2020, entenderase prorrogada durante 2021.

Así mesmo, tamén se amplía ata o 31 de decembro de 2021 o prazo para aprobar e publicar nos Diarios Oficiais as ofertas de emprego público que articulen os procesos de estabilización de emprego temporal referidos anteriormente. Nos demais extremos, estes procesos ateranse aos requisitos e condicións establecidos en cada unha unha das citadas Leis de Orzamentos, segundo corresponda.

O texto desta disposición pode consultarse aqui