Genero-indarkeriaren aurkako Gobernuaren Ordezkaritzak (DGVG) eta MUFACEk lankidetza-hitzarmen bat sinatu zuten joan den uztailaren 5ean genero-indarkeriaren arloan.

Hitzarmen horrek emakumeen aurkako indarkeriaren arloko jarduera zehatzak garatzea ekarriko du, mutualisten kolektiboari zuzenduak, besteak beste, genero-indarkeriaren biktimentzako berariazko prestazio bat abian jartzea eta osasun-laguntzako itunean mutualistak babesteko neurri zehatzak sartzea.

Hitzarmena Estatuko Administrazio Orokorrean eta hari lotutako edo haren mendeko erakunde publikoetan Genero Berdintasunerako III. Planaren garapenaren barruan kokatzen da. Zehazkiago, 5. ardatzak MUFACEren eta Genero-indarkeriaren aurkako Gobernuaren Ordezkaritzaren arteko lankidetza-hitzarmena/akordioa jasotzen zuen, genero-indarkeriaren arloan, eta konpromiso hori hitzarmen hau sinatzean gauzatzen da gaur.

Bestalde, Hitzarmena sinatzeak MUFACE Avanza Planean aurreikusitako konpromisoetako bat betetzen du, eta, horri esker, lankidetza-esparru bat ezarri ahal izango da aldeen artean, MUFACEren esparruan mutualisten eta onuradunen artean emakumeen aurkako indarkeriaren arloko jarduerak elkarrekin garatzeko.

Kontsultatu informazio guztia hemen