Administrazio Irekiaren Astea Gobernu Irekirako Aliantzak mundu mailan bultzatutako ekimena da (Open Gov Week), 2021eko maiatzaren 17tik 21era egingo dena. Helburu nagusia da administrazio publikoak herritarrengana hurbiltzea, eta Aliantzak aurten proposatu duen gaia da administrazioak, erakundeak eta gizarteak berreraikitzea, gardenagoak, arduratsuagoak, parte-hartzaileagoak eta inklusiboagoak izan daitezen.

Espainian, Administrazio Irekiaren Astea Gobernantza Publikoaren Zuzendaritza Nagusiak koordinatzen eta bultzatzen du, Gobernu Irekiko Foroaren laguntzarekin.

Administrazio Irekiaren Aste honetan, Espainiako Administrazio Publiko guztiek eta Gizarte Zibileko erakundeek hainbat ekitaldi egingo dituzte: eztabaidak, hitzaldiak, publizitate-kanpainak, topaketak eta bestelako jarduerak, botere publikoen eta herritarren arteko loturak indartzea helburu dutenak, gure erakundeek Gobernu Irekiaren balioak garatzearekin duten konpromisoa agerian jarriz: gardentasuna, kontu-ematea, herritarren parte-hartzea, osotasun publikoa eta lankidetza.

Kontsulta hemen aurreikusitako jarduera guztiak eta informazio osoa.