Herri Administrazioa modernizatzeko eta Berreskuratze, Eraldatze eta Erresilientzia Plana gauzatzeko premiazko neurriak onartzen dituen abenduaren 30eko 36/2020 Errege Lege Dekretuaren 28.1 artikuluan, behin-behineko unitateei buruzkoan, hau ezartzen da: “Errege lege-dekretu hori indarrean sartu eta hilabeteko epean, Lurralde Politikako Estatu Idazkaritzaren eta Lurralde Politikako eta Funtzio Publikoko Idazkaritzaren ebazpen bateratuaren bidez, Lanpostuen Zerrenda eta Aurrekontuen Eredu bat onartuko da”.

Era berean, 28.2 eta 30.4 artikuluetan ezartzen da Lurralde Politikako eta Funtzio Publikoko Estatu Idazkaritzak jarraibideak eman behar dituela Berreskuratze, Eraldaketa eta Erresilientzia Plana gauzatzeko behin-behineko unitateetako lanpostuen hornikuntzan izapideak azkar eta lehentasunez egiteko, bai eta baliabideak birbanatzeko eta berresleitzeko interpretazio-jarraibideak emateko ere, behar duten ministerio-sailen berrantolaketa errazteko.

Aurreko aurreikuspenak betetzeko, ondoren azaltzen diren ebazpenak hartu dira.