Abenduaren 1ean, Lurralde Politikarako eta Funtzio Publikorako Estatu Idazkaritzaren 2020ko azaroaren 24ko Ebazpena argitaratu zen Estatuko Aldizkari Ofizialean. Ebazpen horren bidez, Baso Ingeniari Teknikoen Kidegoko sarrera libreko sistema orokorreko karrerako funtzionario izendatu ziren Ogasun Publikoaren zerbitzura.

Kidego honetako enplegatu publikoek, besteak beste, ondasun eta jabetza inmobiliarioei buruzko ikuskatze-, egiaztatze-, ikertze-, baloratze-, perituen tasazio- eta aholkularitza-funtzioak dituzte esleituta, Herri Ogasuneko Baso Ingeniari Teknikoen Kidegoko araudia onartzen duen maiatzaren 12ko 1609/1978 Errege Dekretuaren arabera.

Kidego honetan parte hartzeko, beharrezkoa da Basogintzako Ingeniari Teknikoaren titulua edo lanbide arautu horretan aritzeko gaitzen duen titulua izatea edo izateko moduan egotea, deialdiaren oinarriek ezartzen dutenaren arabera, eskabideak aurkezteko epea amaitzean.

Hautaketa-prozesuko gai zerrendako atal bat zuzenbide komunitarioari, konstituzionalari eta administratiboari buruzkoa da; beste zati bat zuzenbide zibilari eta merkataritzari buruzkoa; Katastroa baloratzeko tresnak eta sistemak; Nekazaritza-legeria. Egitura ekonomikoa eta nekazaritzako produktibitatea eta Ogasun Publikoa eta Finantza eta Zerga Zuzenbidea.

Hautapen prozesuek oposizioaldi bat izanen dute, hiru ariketa izango dituena, guztiak baztertzaileak, eta hautaketaikastaro bat Zerga Azterlanen Institutuko Ogasun Publikoaren Eskolan.