Esta semana a canle de YouTube do Ministerio de Facenda e Función Pública, #Talento Público, preséntanos a Laura Aceituno, do Corpo Superior de Técnicos da Seguridade Social, encadrado dentro do Grupo Profesional A1 da Administración Xeral do Estado. Ligazón ao vídeo.

Laura na actualidade é Xefa de Sección de Ingreso Mínimo Vital na Dirección Provincial de Toledo, no Ministerio de Inclusión, Seguridade Social e Migracións e cóntanos as tarefas do Corpo Superior de Técnicos da Administración da Seguridade Social, que exerce competencias directivas e de asesoramento técnico dentro da Administración da Seguridade Social: talles como a dirección, coordinación, estudo e propostas en materia de Seguridade Social.

Tamén entre as tarefas que exerce este corpo está o deseño e implantación dos procedementos para a xestión do recoñecemento, mantemento e control do dereito ás prestacións e pensións dos distintos Réximes do Sistema da Seguridade Social, así como o estudo e elaboración de informes e criterios xurídicos en materia de afiliación, cotización e xestión recadatoria.

Por outra banda, correspóndelles a dirección dos centros de atención e información da Seguridade Social, así como os diferentes Servizos e Áreas organizativas integradas tanto nas Direccións Provinciais como nos Servizos Centrais das Entidades da Seguridade Social.

O sistema de Seguridade Social foi un dos principais factores de cohesión social e estabilidade económica de Europa e España nos últimos cincuenta anos. Neste sentido, os técnicos teñen un gran labor por diante en canto á definición do futuro dunha organización tan inspiradora e fundamental como é a Seguridade Social. Seguro que tes moito que achegar neste alicerce do Estado do Benestar.

Coñece máis sobre as oposicións á Seguridade Social no Ministerio de Inclusión, Seguridade Social e Migracións.

Accede a todos os vídeos de canle #Talento Público.