O Ministerio de Facenda e Función Pública publicou e actualizou hoxe, 16 de outubro, a información relativa ás percepcións dos presidentes das comunidades autónomas, dos altos cargos das comunidades autónomas, dos cargos electos das corporacións locais (8.128 concellos e 52 deputacións, consellos e cabidos insulares) e uns cadros coas retribucións dos seus funcionarios por tramos de percepcións correspondentes ao ano 2022.

Os datos proceden do sistema de Información Salarial Postos da Administración (ISPA), xestionado pola Secretaría de Estado de Función Pública. O ISPA é a plataforma que recolle a información destas retribucións dos cargos electos durante o ano anterior. Tamén recolle as retribucións asignadas aos postos de traballo de funcionarios de concellos, deputacións forais e provinciais e consellos e cabidos insulares e comunidades autónomas.

A finalidade da súa publicación é permitir unha visión de conxunto do colectivo de entidades locais, imposible de conseguir pola mera agregación da información individualizada, polo elevado número de entidades, superior ao oito mil, así como pola necesaria homoxeneización da información para que os datos poidan ser comparados e agregados para obter unha adecuada visión de conxunto.

Ligazón a Comunicado de Prensa.