O Laboratorio de Innovación Pública colabora coa Subdirección Xeral de Selección do INAP para elaborar unha guía que facilite a realización de probas selectivas territorialmente descentralizadas.

Este proxecto atopa a súa base no artigo 3.7 do Real Decreto 407/2022, do 24 de maio, polo que se aproba a oferta de emprego público para o ano 2022, que prevé que “As convocatorias conterán unha habilitación para que os tribunais calificadores adopten as medidas, instrucións ou resolucións necesarias para descentralizar ao máximo posible a realización das probas selectivas e a lectura dos exercicios.

De igual forma, as convocatorias establecerán a forma e procedemento a seguir, no uso dos medios electrónicos ou telemáticos, incluídos os audiovisuais, para o desenvolvemento descentralizado das probas selectivas ou dalgunhas das súas fases. Para o desenvolvemento descentralizado dos procesos selectivos, os órganos de selección contarán coas estruturas e mecanismos de apoio que resulten necesarios. Para ese efecto, por parte do INAP prestarase a asistencia que resulte necesaria e estableceranse mecanismos de coordinación coas Delegacións e Subdelegacións do Goberno”.

Para facilitar esa asistencia, o INAP considerou, entre outras, a iniciativa de elaborar unha Guía que axude aos ministerios e organismos da Administración do Estado a realizar de formas descentralizada as súas probas selectivas. No marco das súas funcións, o Laboratorio de Innovación Pública proponse colaborar coa Subdirección Xeral de Selección do INAP na elaboración desta guía para descentralizar probas selectivas.

Se queres colaborar neste proxecto ou che interesa, escríbe a lip@inap.es

Consulta toda a información nesta ligazón