A Dirección Xeral de Función Pública publicou o Boletín Estatístico do Persoal ao servizo das Administracións Públicas con datos actualizados a xullo de 2021.

No mesmo, analízase a situación dos efectivos que traballan para as Administracións Públicas (AAPP) desde varias perspectivas, segundo xénero, idade ou distribución territorial, desagregando tamén segundo estes efectivos formen parte de ministerios, organismos autónomos ou axencias estatais. Dedica tamén un espazo específico de análise para docencia non universitaria e universidades.

Segundo o último Boletín Estatístico do Persoal ao servizo das AAPP, o número de empregados públicos a xullo de 2021 é de 2.728.749. Destes, máis da metade (59,54%) presta servizo no sector público das Comunidades Autónomas, seguido dun 21,53% no sector público da Administración Local e o 18,92% no sector público do Estado. Mantense un dos trazos que definen ao emprego público en España, a súa descentralización, en consonancia coa propia organización territorial do Estado.