A pandemia da COVID-19 estimulou a resiliencia e a innovación, impulsando a dixitalización da economía e a sociedade da UE, o que inclúe a prestación de servizos dixitais por parte dos gobernos.
O informe do Goberno Electrónico compara como os gobernos prestan servizos públicos dixitais en toda Europa. É un estudo recoñecido internacionalmente que arroxa luz sobre a Administración Electrónica en 36 países europeos mediante a avaliación dos chamados “eventos da vida (life events)” baseados en indicadores específicos. Estes eventos inclúen paquetes de servizos gobernamentais que apoian a cidadáns e emprendedores a través de puntos crave das súas vidas, talles como o nacemento dun fillo ou o inicio dun negocio.
Segundo este estudo, España sitúase cun nivel medio de penetración, que equivale á media europea (67%), e no nivel medio-alto de dixitalización, formando parte do escenario Fruitful eGov, que inclúe aos países da súa clase que están por encima da media europea.
Os indicadores relativos de España mostran un país con case todas as características (usuarios, goberno e contexto dixital) aliñados coa media europea. A banda larga e a súa calidade (indicador de Conectividade) e a Transparencia, indicador que mide o Goberno Aberto, son os que se comportan significativamente por encima da media europea.
Accede á noticia completa aquí