O Consello de Ministros do pasado día 11, aprobou un suplemento de crédito no orzamento da Mutualidade Xeral de Funcionarios Civís do Estado, por importe de 25.000.000 euros, para atender os gastos relativos a incapacidade temporal ata a finalización do exercicio.

Estes gastos producíronse, entre outras razóns, polas baixas de enfermidades asociadas á COVID-19, as intervencións que non se realizaron no ano 2020 e estanse realizando no ano 2021, o envellecemento do colectivo protexido, así como polas inspeccións médicas debido ao alto volume de expedientes consecuencia da pandemia.