O Boletín Oficial do estado de hoxe, 15 de xuño, publicou a Resolución do 10 de xuño de 2021, da Secretaría de Estado de Política Territorial e Función Pública, pola que se nomea persoal funcionario de carreira, polo sistema xeral de acceso libre, do Corpo de Técnicos Especialistas en Reprodución Cartográfica

O Corpo de Técnicos Especialistas en Reprodución Cartográfica é un corpo específico da Administración Xeral do Estado, en concreto está adscrito á Dirección Xeral do Instituto Xeográfico Nacional, Organismo Autónomo do Ministerio de Transportes, Mobilidade e Axenda Urbana. Trátase dunha oposición do Subgrupo A2.

Esta profesión quedou regulada como carreira eminentemente técnica, polo que estes funcionarios están integrados nos tres talleres Cartográficos do Instituto; o taller de produción de ferros e impresión dixital de gran formato, o taller de impresión Offset e o taller de encadernación e encartado, cuxa misión principal é a impresión e edición da cartografía e bibliografía oficial través dos plans editoriais anuais e constitúen o corazón da imprenta do IGN, unha das tres imprentas oficiais do Estado, xunto ao Servizo de Edición e Trazado e ao Laboratorio de Control de Calidade.

Para participar no proceso selectivo os aspirantes han de ter o título de Bacharel ou Técnico. Este proceso de selección constará das fases de oposición e do curso selectivo:

A fase de oposición constará de tres exercicios obrigatorios e eliminatorios, o primeiro exercicio consistirá en contestar por escrito un cuestionario de 100 preguntas das que 25 preguntas corresponderán á parte do temario «Organización e funcionamento da Administración Xeral do Estado» e 75 ao temario específico, o segundo exercicio, de carácter teórico-práctico, consistirá no desenvolvemento por escrito dun suposto elaborado polo tribunal, e o terceiro exercicio consistirá no desenvolvemento por escrito dun suposto de carácter teórico-práctico, elaborado polo tribunal, sobre «Edición e simbolización das series cartográficas do Instituto Xeográfico Nacional».

O curso selectivo consistirá nun período de formación de carácter teórico organizado pola Subdirección Xeral de Recursos Humanos do Ministerio de Transportes, Mobilidade e Axenda Urbana, de conformidade co disposto no Real Decreto 953/2018, do 27 de xullo.