O 1 de decembro publicouse no Boletín Oficial do Estado a Resolución do 24 de novembro de 2020, da Secretaría de Estado de Política Territorial e Función Pública, pola que se nomean funcionarios de carreira, do Corpo Técnico de Auditoría e Contabilidade.

Trátase dun Corpo adscrito ao Ministerio de Facenda que ten encomendadas as funcións relativas á xestión en materia de contabilidade pública, función interventora e de control financeiro e auditoría no Sector Público, así como de presupuestación, adecuadas aos requisitos e probas para ingreso neste Corpo.

Como requisito académico é indispensable ser titulado en Grao, Diplomado Universitario, Arquitecto Técnico ou equivalente.

O proceso selectivo para ingreso neste Corpo consta de oposición e curso selectivo.

A fase de oposición consta de tres exercicios eliminatorios. O primeiro consiste nun cuestionario de Dereito Civil e Mercantil, Economía e Dereito Consttucional e Administrativo; o segundo é relativo á resolución dun suposto práctico de Contabilidade e Matemáticas Financeiras; o terceiro deles, consta de dúas partes: a primeira, na contestación por escrito dun cuestionario de quince preguntas e a segunda, no desenvolvemento por escrito dun tema proposto polo tribunal.

No curso selectivo desenvolveranse as materias relacionadas co sistema Orzamentario do Estado, Control, Auditoría e Contabilidade Pública e outras de cáracter complementario para o desenvolvemento das funcións encomendadas ao Corpo Técnico de Auditoría e Contabilidade.