No Boletín Oficial do Estado do 27 de novembro publicouse a convocatoria do concurso unitario de 882 prazas destinadas a persoal funcionario de carreira adscritos aos Corpos e Escalas dos subgrupos C1 e C2, con funcións administrativas e auxiliares, no ámbito da Administración Xeral do Estado, en todo o territorio nacional.

Esta convocatoria dá cumprimento á Resolución do 16 de novembro de 2018 da Secretaría de Estado de Función Pública, pola que se publica o I Acordo de mobilidade de persoal funcionario ao servizo da Administración Xeral do Estado e responde o acordo alcanzado o 8 de maio entre o Goberno de España e as organizacións sindicais CSIF, CCOO e UXT, para a fixación dos criterios comúns relativos á convocatoria deste concurso unitario.

As prazas están situadas en servizos centrais como en servizos periféricos e abarcan postos desde o nivel 14 ata o 18. Ademais, un terzo do total dos postos teñen asignado un nivel de complemento de destino 17 e 18.

A definición dos perfís de cada un dos postos formuláronse de maneira xenérica, describindo tarefas comúns a todo o persoal de auxilio e apoio administrativo (C1 e C2), para garantir unha maior mobilidade funcional e xeográfica e a libre concorrencia do persoal funcionario de carreira.

O baremo de méritos ten en conta a antigüidade, o coñecemento e a experiencia no desempeño de tarefas administrativas propias do persoal funcionario dos subgrupos C1 e C2 e a conciliación da vida persoal, familiar e laboral.

Esta convocatoria ponse en marcha grazas á colaboración da Secretaría Xeral de Administración Dixital (SGAD), que proporcionou a ferramenta informática (SIGP) para a súa tramitación.