A Secretaría Xeral de Función Pública actualizou a Instrución do 22 de abril para acomodala á nova normativa e ás previsións da Resolución da Secretaría de Estado de Política Territorial e Función Pública do 17 de xuño de 2020, en cuxo apartado terceiro se fai mención ás condicións de seguridade e saúde laboral nos centros de traballo da AGE.

Esta Instrución serve de marco xeral para garantir a homoxeneidade nos distintos departamentos ministeriais e os organismos públicos da Administración Xeral do Estado á hora de establecer medidas de carácter preventivo, para evitar os riscos da COVID-19 no momento de reincorporación aos centros de traballo e durante a fase de nova normalidade, sen prexuízo das especificidades e especialidades do persoal e servizos públicos a prestar por cada departamento ou organismo e tendo en conta as instrucións e protocolos que se establezan polas autoridades sanitarias, así como a normativa aplicable.

Os Comités de Seguridade e Saúde dos distintos ministerios, organismos e entes reuniranse, tras a sinatura do presente documento, para asegurar a debida consulta e participación dos representantes dos traballadores na adopción e seguimento das medidas que resulten de aplicación. Das cuestións tratadas nestes Comités darase traslado a todos os delegados e informarase na correspondente Mesa Delegada.

Instrución da Secretaría Xeral de Función Pública do 17 de xuño de 2020