Espainia adimendun baterako estrategia digitala

Energia, Turismo eta Agenda Digitaleko Ministerioak, Agenda Digitaleko politiken arduraduna den aldetik, Espainiako gizartea eta ekonomia digitala sustatzeko eta garatzeko ardura du. Herri baten ongizatea hobetzeko eraldaketa digitalak duen garrantziari buruzko adostasun orokorra dago, eta administrazio publikoek, enpresekin batera, digitalizazioak dakartzan erronkak kudeatzeko jardun behar dutela. Horren eragin positiboa produktibitate orokorrean nabaritzen da; enpresen eta administrazio publikoen eraginkortasunean eta efizientzian; zerbitzu eta produktuen eskaintza zabalagoan; prezio hobeak ekarri ohi dituen lehia handiagoan; eta herritarren bizi-baldintzak hobetzea ahalbidetzen duten zerbitzu eta komunikazio-bide berrien sorreran.

Hori lortzeko, Ministerioak Espainia Adimendun baterako Estrategia Digital berri bat prestatuko du, zeinak, Espainiarako egungo Agenda Digitalean lortutako emaitzetan oinarrituta, haren edukia eguneratuko baitu eta azken urteetan agertutako erronka berriei helduko baitie.

Estrategia horretan garatu beharreko erronkak eta politikak hobeto zehazteko, beharrezkotzat jo da kontsulta publiko hau egitea. Bi helburu ditu:

• Batetik, Informazioaren Gizarterako eta Agenda Digitalerako Estatu Idazkaritzan gaur egun erabiltzen den egitura eta edukia behatu nahi da, interesa duten guztiek horri buruz duten iritzia jakin ahal izateko.
• Bestetik, barneratu ez diren baina interesgarriak izan daitezkeen beste proposamen batzuen hartzaile izatea eta horien lehentasuna.

Parte-hartzea zabalik dago estrategia digital horri balioa eman nahi dioten administrazio, erakunde, organismo, elkarte, enpresa, kolektibo edo pertsona guztientzat.