Aurretiazko kontsulta publikoa, Ikus-entzunezko Komunikazioari buruzko martxoaren 31ko 7/2010 Lege Orokorraren aldaketari buruzkoa

Administrazio Publikoen Administrazio Prozedura Erkidearen urriaren 1eko 39/2015 Legearen 133.1 artikuluak eta Gobernuari buruzko azaroaren 27ko 50/1997 Legearen 26.2 artikuluak ezartzen dute ezen, lege- edo erregelamendu-proiektua edo -aurreproiektua egin aurretik, kontsulta publiko bat egingo dela administrazio eskudunaren web-atariaren bidez, zeinean bilduko baita arauak uki ditzakeen subjektuen eta erakunde ordezkagarrienen iritzia.

Bi lege-agindu horiek aplikatuta, kontsulta publikoa ireki da, ikus-entzunezkoen sektoreko eragileen ekarpenak biltzeko, honako gai hauen inguruan:

• Ikus-entzunezko Komunikazioari buruzko martxoaren 31ko 7/2010 Lege Orokorra aldatzea, zuzentarau honen transposizioa egiteko: Europako Parlamentuaren eta Kontseiluaren 2018ko azaroaren 14ko (EB) 2018/1808 Zuzentaraua, Ikus-entzunezko komunikazio-zerbitzuak emateari buruz estatu kideek dauzkaten lege-, erregelamendu- eta administrazio-xedapen jakin batzuk koordinatzeari buruzko 2010/13/EB Zuzentaraua aldatzen duena.
• Ikus-entzunezkoen arloko gainerako araudia aldatzeko proposamenak.

Ekarpenaren hasieran, igorleak bere identifikazioa adierazi beharko du, izenaren edo sozietate-izenaren bidez, bai eta harremanetarako datuen bidez ere.

Ekarpenak egin nahi diren puntuetan, egindako galderei erantzutea eskatzen da, betiere arrazoitutako erantzunen bidez.

Bidaltzailea identifikatuta dagoenean eta bere ekarpena kontsulta honen esparruan egiten denean bakarrik hartuko dira kontuan.

Oro har, jasotako erantzunak eta ekarpenak jendaurrean zabaltzeko modukoak izango dira. Igorritako informazioaren zer zati tratatu behar diren konfidentzialtasunez interesdunaren iritziz, eta, beraz, zati horiek ez direla askatasunez zabaldu behar, berariaz adierazi behar dira testuan bertan, eta arrazoitu egin behar da zergatik eskatzen den haien konfidentzialtasuna. Ondorio horietarako, ez dira kontuan hartuko informazioaren konfidentzialtasunari buruzko mezu generikoak.