Estatistikako Institutu Nazionalak (INE) Etxeetako Informazio eta Komunikazio Teknologien Ekipamendu eta Erabilerari buruzko 2023ko Inkesta argitaratu du. Inkestaren helburua Informazioaren Gizartearen garapenari eta bilakaerari buruzko datuak lortzea da.
Horretarako, etxeetako informazio- eta komunikazio-teknologien ekipamenduari buruzko informazioa jasotzen da (Interneteko konexioa, telefonia finkoa eta mugikorra, ekipamendu informatikoa), bai eta Espainiako biztanleek Internetekiko dituzten ohiturei buruzkoa ere.
Administrazio elektronikoari dagokionez, inkestak adierazten du 16 eta 74 urte bitarteko 10 pertsonatik ia 8 administrazio edo zerbitzu publikoekin Internet bidez harremanetan jarri direla azken 12 hilabeteetan, arrazoi bereziengatik. Kontaktu ohikoenak hitzordu bat hitzartzeko edo erreserba bat egiteko dira (% 62,2) eta gordetako informazioa eskuratzeko (% 60,8).
Bestalde, 16 eta 74 urte bitarteko pertsonen %95,4k Internet erabili du azken hiru hilabeteetan (2022an baino 0,9 puntu gehiago), eta %90,0k egunero (2,9 puntu gehiago).
Emakumeen ehunekoak gizonenak baino zertxobait handiagoak dira. Azken hiru hilabeteetan Internet erabiltzeari dagokionez, 0,3 puntu gehiago; eguneroko erabilerari dagokionez, 0,2 puntu gehiago; eta sareko erosketei dagokienez, 0,9 puntu gehiago.