Lurralde Politikako eta Funtzio Publikoko ministroak berritu egin du erakunde horiekiko konpromisoa, duela gutxi administrazio-kargak identifikatzeko eta ezabatzeko hitzarmenak sinatu ondoren.
Atzo, ekainaren 7an, egindako bileraren helburua izan da gai hauetan aurrera egitea: administrazio elektronikoa hobetzea, prozeduretan eskatzen den dokumentazioa murriztea, ministerioetako sailen arteko konexioa erraztea, erakunde jakin batzuen webguneetan dagoen informazioa hobetzea, formularioak betetzea erraztea edo interes orokorreko gaiei buruzko informazio-kanpainak egitea, bai enpresentzat, bai herritarrentzat.
Hala, berretsi egiten da Espainiako Gobernuak administrazio-kargak sinplifikatzeko eta murrizteko duen konpromisoa, administrazio publikoen egiturak malgutzeko eta herritarrek eta enpresek sektore publikoarekin izan ditzaketen zailtasunak gainditzeko.
Europako Batasunak eta ELGAk gomendatzen diete estatuei inprimaki eta aitorpenen murrizketa hobetzea eta administrazio- eta arau-prozeduren sinplifikazioa sustatzea. Garapen Jasangarrirako Helburuek (GJH) ere –NBEko kide diren estatuek konpromisoa hartzen dute helburu horiekin– erakunde eraginkorrak sortzea sustatzen dute, kontuak emango dituztenak, eta gizartearen beharrei erantzungo dieten erabaki inklusiboak, parte-hartzaileak eta adierazgarriak maila guztietan hartuko direla bermatzen dute.