Madrilen, 2025eko urtarrilaren 29an.- Eraldaketa Digitalerako eta Funtzio Publikorako ministro Oscar Lópezek Senatuan nabarmendu duenez, Muface-ren kontzertuaren lizitazioa aldatzeko astearte honetan Ministroen Kontseiluan lortutako akordioarekin, Gobernuak “etorkizuna salbatu du” mutualismotik, “historian aurrekaririk gabeko ahaleginarekin”, “une oro gardentasun-, eta ekitate-printzipioek markatutako prozesu batean”.

MUFACEren egoeraren berri emateko Funtzio Publikoko Batzordean egin duen agerraldian, Lópezek kontzertuaren berritzearen kronologia errepasatu du, 2024an hasi zenetik atzo arte. Ministroak adierazi duenez, denbora horretan, Gobernuak primaren igoera errekorrak eskaini ditu prozesuaren arrakasta bermatzeko, eta horren ondorioz, baldintza-agiriak aldatu dituzte, “bigarren lizitazio are lehiakorragoa eskaintzeko”, 330 milioi euroko finantzazio gehigarriarekin.

Ministroak nabarmendu du, batetik, kontzertua berritu bitartean “mutualistek osasun-laguntza izan dutela, dutela eta bermatua izango dutela” Sektore Publikoko Kontratuen Legean aurreikusitako mekanismoei esker, eta, bestetik, prozesu horrek gardentasun-elementu berriak txertatu dituela, hala nola merkatuaren aurretiazko kontsulta bat abiaraztea, dagozkien txostenak argitaratzea eta mutualitatearen Kontseilu Orokorren deialdia egitea langile publikoen ordezkariak informatuta edukitzeko.

Era berean, Lópezek nabarmendu du lizitazioaren aldaketak “kontzertuaren hiru urteko iraupena mantentzen duela, asistentzian egonkortasuna bermatzeko”, eta primen egitura berria ere mantentzen duela, adin-tarteen araberako inkrementala.