WhatsApp bidez COVID-19ari buruz kontsulta egiteko Hispabot-Covid19 kanala jarri du martxan Jaurlaritzak
07/04/2020
WhatsApp bidez funtzionatzen duen Hispabot-Covid19 elkarrizketa-laguntzailea jarri du martxan Gobernuak. Kontsulta automatikorako kanala da, eta adimen artifiziala eta lengoaia naturala erabiltzen ditu herritarrek COVID-19ari buruz dituzten kezkei erantzuteko, informazio ofizial, zehatz eta eguneratuarekin.
WhatsApp bidez funtzionatzen duen Hispabot-Covid19 elkarrizketa-laguntzailea jarri du martxan Jaurlaritzak. Kontsulta automatikorako kanala da, eta adimen artifiziala eta lengoaia naturala erabiltzen ditu herritarrek COVID-19ari buruz dituzten kezkei erantzuteko, informazio ofizial, zehatz eta eguneratuarekin.
Hispabot-Covid19 "chatbot" zerbitzua da, eta herritarrek koronabirusari buruzko galdera ohikoenen berehalako erantzunak eskuratu ahal izango dituzte eguneko 24 orduetan.
Osasun Ministerioak egindako aginduari jarraituz, tresna hau Ekonomia Gaietako eta Transformazio Digitaleko Ministerioari atxikitako Digitalizazio eta Adimen Artifizialeko Estatu Idazkaritzak bultzatu du.
Sistemak 200 galdera baino gehiago ditu, 1.000 modu desberdinetan egin daitezkeenak, eta Osasun Ministerioaren eta beste erakunde ofizial batzuen iturrietatik datorren informazioa erabiltzen du, gaixotasunaren sintomei, prebentzio-neurriei, babeserako informazioari, egungo kopuruei, harremanetarako telefonoei eta abarri buruzkoa.
Hispabot-Covid19 WhatsApp bidez erabiltzeko, +34 600 802 802 zenbakia telefonoko kontaktuetan gorde eta mezu batean "kaixo" hitza idatzi besterik ez da egin behar elkarrizketa hasteko. Ondoren, zerbitzuak ongietorria ematen du eta informazioa eman dezakeen gaien berri ematen du.
Hispabot-Covid19k osasun-telefono bidezko arreta-lineen gaineko presioa murrizten laguntzen du, une oro eskuragarri dagoen informazio-alternatiba erraz bat eskainiz.
"Oraingoa bezalako uneetan, beharrezkoa da tresna teknologikoak izatea, uneoro herritarrei informazio ofiziala eta konfiantzazkoa eskainiko dietenak", adierazi du Carme Artigas Digitalizazio eta Adimen Artifizialeko estatu idazkariak. Hispabot-Covid19 WhatsApp Business APIren gainean sortu da, Vonage API komunikazio-plataforma globala erabiliz eta Red.es harremanetarako gune gisa erabiliz.
Gainera, ONCE Fundazioaren laguntza izan dugu. Fundazio horrek tresnaren ebaluazioa egin du, eta Hispabot-Covid19n integratu diren gomendioak eskaini ditu, haren irisgarritasuna bermatzeko.
WhatsApp bidez zalantzak argitzeko tresna honek bat egiten du Asistencia COVID-19rekin (https://asistencia.covid19.gob.es/), gaixotasunari buruzko autodiagnostikorako eta informaziorako webgunea eta app ofiziala; dagoeneko sei autonomia-erkidegotan dago eskuragarri.