2024ko urriaren 22an.- Eraldaketa Digitalerako eta Funtzio Publikorako ministro Óscar López Madrilgo Arganda del Rey herriko Hispasat hiriko Satelital Kontrol Zentroan (CCS) izan da astearte honetan.

Instalazioak eta antena-zelaia zeharkatu ditu Lópezek, eta Hispasateko presidente Pedro Duquerekin eta haren kontseilari delegatu Miguel Ángel Pandurorekin bildu da. Konpainiaren proiektu nagusiak errepasatu dituzte haiekin. Horien artean, Conéctate35 programa, ministerioak Suspertze, Transformazio eta Erresilientzia Planaren bidez finantzatutakoa: Espainiako lurraldearen %100 estaltzen du satelite bidezko banda zabaleko konexioarekin, kostu txikian eta instalazioari laguntza emanez.

Programa horrez gain, ministroak informazioa jaso du landa-ingurunera bideratutako Hispasaten beste proiektu batzuei buruz, hala nola telhezkuntza ekimenak (ikasleei eta landa-eskolako langileei satelite bidezko Interneterako sarbidea ahalbidetzen dietenak), telemedikuntzako ekimenak (satelite bidezko telekontsultak jartzea ahalbidetzen dutenak, mediku espezialistak dauden ospitale batera bideokonferentzia bidez konektatuz) edo Smart agro ekimenak (satelite bidezko nekazaritza-ustiategien kudeaketa errazten dutenak, laboreen kokapen geografikoa kontuan hartu gabe).

Era berean, Lópezek interesa agertu du Hispasatek -SpaceRise partzuergoaren bidez- Iris2n parte har dezan; programa hori Europako Batzordeak eta Espazioaren Europako Agentziak diseinatu dute, eta Europako satelite bidezko komunikazio seguruen etorkizuna zehaztuko du. Hispasat da Europar Batasunaren autonomia estrategikoa bermatzeko sortutako proiektu honetan parte hartzen duen Espainiako enpresa bakarra. Garapen berritzaileak ditu Europan, eta lankidetza publiko-pribatutik bultzatzen da.