Atópase publicado no Punto de Acceso Xeral, o Boletín de subvencións, bolsas e premios correspondente á quincena comprendida entre o 7 e o 20 de xuño de 2023, no que se recollen as convocatorias publicadas no Boletín Oficial do Estado e nos Diarios Oficiais das Comunidades Autónomas, extraídas da base de datos do Centro de Información Administrativa do Ministerio de Facenda e Función Pública. Ligazón ao Boletín.

No mesmo pódense atopar, como exemplo:

• A convocatoria de subvencións a accións de Cooperación para o Desenvolvemento no ámbito da innovación correspondentes ao ano 2023, nas que poderán ser beneficiarias, entre outros, as agrupacións sen personalidade xurídica integradas por persoas xurídicas do Sector privado empresarial: empresas, empresas de economía social, asociacións e fundacións empresariais e outras análogas, con prazo de presentación desde o 1 ao 28 de xuño de 2023
• A convocatoria o premio "Alimentos de España, ano 2023" cuxos beneficiarios son, entre outros, explotacións agrarias, instalacións acuícolas, empresas alimentarias e pesqueiras, entidades, organizacións ou asociacións, con independencia da forma xurídica que adopten, cuxa sede principal estea situada dentro do territorio nacional, e cuxo prazo de presentación está aberto desde o 19 de maio de 2023 ata o 29 de xuño de 2023.

Os datos publicados no Boletín teñen carácter informativo, polo que é conveniente consultar as bases na publicación oficial correspondente.

Ademais de consultar a información no portal web, tamén se pode recibir información sobre axudas, subvencións, bolsas e premios, mediante a subscrición ás notificacións de novas axudas, subscribíndose ao boletín quincenal ou a través da descarga dunha aplicación móbil. Máis información aquí.