Xa está publicado o Boletín de ofertas de Emprego Público e de probas de Capacitación Profesional da semana comprendida entre o 29 de marzo e o 4 de abril. No mesmo ofrécese información relativa ás convocatorias de emprego público da Administración Xeral do Estado, das Comunidades Autónomas, da Unión Europea, Organismos internacionais e da administración local, cuxos anuncios se publicaron no Boletín Oficial do Estado, correspondentes aos Concellos de capital de provincia, Concellos de máis de 100.000 habitantes e daqueles que convoquen polo menos tres prazas. Ligazón ao Boletín.

Esta semana destaca a convocatoria de 121 prazas do corpo Veterinario no Ministerio de Agricultura, Pesca e Alimentación; do Ministerio de Inclusión, Seguridade Social e Migracións,45 prazas de Xestión da Adiministración da Seguridade Social-Especialidade Auditoría e Contabilidade e 13 prazas na Especialidade de Auditoría e Contabilidade.

Baixo o epígrafe de convocatorias de probas de capacitación profesional, inclúense aquelas que se convocan na Administración Xeral do Estado e os seus organismos públicos vinculados ou dependentes, para facilitar o exercicio de determinadas profesións.

Os datos recollidos teñen carácter informativo, polo que é conveniente consultar as bases na publicación oficial correspondente.

Desde aquí pódese descargar a nosa "App" de emprego público na que atopará información sobre as previsións de incorporación de novos recursos humanos que ten a Administración Pública, en función das súas necesidades e prioridades.