Con data de 27 de marzo, MUFACE convocou as axudas sociosanitarias 2023.
Estas axudas permiten atender determinados gastos que se xeran ás persoas do colectivo mutualista para os que non existe financiamento concorrente.
Na convocatoria de 2023 séguense mantendo os habituais programas de axudas:
· Programa para facilitar a autonomía persoal,
· Programa para o mantemento das axudas económicas concedidas nas resolucións de convocatorias anteriores a determinados beneficiarios daquelas e para quen aínda non sexa efectivo o seu dereito aos servizos e prestacións económicas do Sistema para a Autonomía e Atención á Dependencia (SAAD), por causa non imputable aos interesados.
· Atención a persoas en situación de drogodependencia.
· Financiamento dos gastos orixinados por estadías temporais en residencias asistidas.
· Persoas do colectivo con enfermidade celíaca.
· Atención de persoas con enfermidades oncolóxicas.
· Atención de persoas con enfermidades psiquiátricas crónicas.
A convocatoria de 2023, contempla dúas importantes novidades:
-Nas axudas para a atención de persoas con enfermidade celíaca, nesta convocatoria non será necesario achegar o informe médico se se obtivo a axuda na convocatoria do ano 2022. Desta maneira, simplifícase tanto a solicitude para a persoa interesada como a tramitación pola unidade xestora, axilizándose así a súa resolución e pago.
-Nas axudas para persoas con enfermidade oncolóxica, increméntanse as contías das axudas.
As axudas poderán solicitarse desde o 28 de marzo ata o 31 de decembro de 2023, inclusive