O INAP elaborou unha listaxe de preguntas frecuentes sobre procesos selectivos, que poden ser de interese para as persoas que teñen pensado inscribirse nalgún dos procesos publicados para acceder aos Corpos Xerais da Administración Xeral do Estado e que teñan dúbidas tras ler a convocatoria. Listaxe de preguntas frecuentes aquí.

Mediante a Resolución do 20 de xaneiro de 2023, da Secretaría de Estado de Función Pública, convocáronse 12 procesos selectivos, cun total de 27.509 prazas para ingreso nos seguintes Corpos e Escalas:

-Corpo Xeral Auxiliar da Administración do Estado (libre, promoción e estabilización).

- Corpo Xeral Administrativo da Administración do Estado (libre, promoción).

- Corpo de Técnicos Auxiliares de Informática da Administración do Estado (libre, promoción).

- Corpo de Xestión da Administración Civil do Estado (libre, promoción e estabilización).

- Corpo de Xestión de Sistemas e Informática da Administración do Estado (libre e promoción).

Nos Anexos de Normas específicas destes 12 procesos selectivos indícanse cantas prazas están destinadas ao sistema de acceso xeral e cantas prazas están reservadas á cota de reserva de persoas con discapacidade cun grao igual ou superior ao 33 por cento (CRD). Ademais, no Corpo Xeral Auxiliar da Administración do Estado, promoción interna, distínguense prazas para o sistema de acceso xeral, prazas para as persoas con discapacidade xeral (G) e prazas para persoas con discapacidade intelectual (I) cun grao igual ou superior ao 33 por cento.

O prazo de inscrición nestes procesos selectivos finaliza o próximo 24 de febreiro. A inscrición debe realizarse desde esta ligazón.

O Instituto Nacional de Administración Pública, en colaboración co Boletín Oficial do Estado, pon a disposición das persoas aspirantes material de apoio á preparación destes procesos en aberto e de forma gratuíta. Accede ao material de apoio á preparación.