Por Resolución do 25 de agosto de 2022, da Presidencia da Axencia Estatal de Administración Tributaria, convocouse proceso selectivo polo sistema xeral de acceso libre, de persoal laboral fixo descontinuo na categoría profesional de Auxiliar de Administración e Infomración (Campaña da Renda).

As funcións correspondentes a estas prazas serían a información telefónica e/ou presencial sobre IRPF e sobre utilización de instrumentos da Axencia Estatal de Administración Tributaria de axuda ao contribuínte na campaña da renda.

O número de total de prazas convocadas ascende a 900 das que destacan por número as 100 prazas para a provincia de Barcelona, 95 para Madrid e 60 de Sevilla. O ámbito provincial das mesmas pode consultarse na Resolución.

A titulación requirida é Graduado en ESO ou equivalente.

Quen desexen participar no proceso selectivo deberán cubrir electronicamente a solicitude de admisión a probas selectivas, realizar o pago da correspondente taxa de dereitos de exame e presentar esa solicitude, na forma establecida nas bases da convocatoria. O modelo oficial de solicitude de admisión a probas selectivas convocadas pola Axencia Estatal de Administración Tributaria e liquidación da taxa de dereitos de exame (modelo 791), aprobado por Resolución do 17 de xullo de 2020 (BOE do 22), da Dirección Xeral da Axencia Estatal de Administración Tributaria, atópase a disposición dos interesados na dirección de Internet https://sede.agenciatributaria.gob.es/Sede/traballar-axencia-tributaria/xestións-traballar-aeat.html

O prazo de presentación de solicitudes finaliza o 29 de setembro.