A web da Dirección Xeral da Función Pública estrea un novo formato no seu apartado destinado ao persoal Funcionario da Administración Local con Habilitación de Carácter Nacional, co obxectivo de facilitar o acceso á información deste colectivo e mostrala de forma máis directa e intuitiva.

Para este fin, o contido reestruturouse en torno a oito grandes áreas temáticas relativas ao nomeamento de persoal e asignación de destino inicial, concursos ordinarios, concursos unitarios, cambios de situacións administrativas, certificados de servizos, comisións de servizos e acumulacións, inscrición de méritos xerais e outros procedementos.

Ademais, inclúense ligazóns a outras áreas de interese como a información sobre procesos selectivos, sede electrónica e un apartado relativo ás últimas novidades e á normativa reguladora do persoal funcionario de administración local con habilitacion de carácter nacional.

Toda a información e o seu novo formato pode consultarse na seguinte ligazón.