A Semana da Administración Aberta é unha iniciativa impulsada a nivel mundial pola Alianza para o Goberno Aberto (Open Gov Week), que en 2022 vaise a celebrar do 16 ao 20 de maio. O seu obxectivo principal é achegar as Administracións Públicas á cidadanía, baseándose nos principios do Goberno Aberto: transparencia, rendición de contas, participación cidadá, integridade pública e colaboración.

Para a Semana da Administración Aberta 2022, considérase oportuno pór o foco en eventos de carácter virtual ou semipresencial, tendo en conta tanto as circunstancias sanitarias como o gran potencial que teñen estes formatos na difusión de contidos innovadores e a gran escala.

Celebraranse distintos tipos de eventos como:

• Presentación de plans/programas
• Procesos participativos (lanzamento de consultas ou outros procesos)
• Entrevistas
• Webinars / Seminarios
• Debates / Coloquios
• Presentación de publicacións, campañas de publicidade, contidos virtuais (sitio web, aplicacións, etc.)
• Concursos / Hackathon
• Xornadas de portas abertas

Atópase aberta a inscrición de eventos para organismos e entidades a través deste formulario.

En España, a Semana da Administración Aberta é coordinada e impulsada pola Dirección Xeral de Gobernación Pública, coa colaboración do Foro de Goberno Aberto.