Durante a primeira quincena de xuño de 2021, o INAP está a levar a cabo un ciclo de presentacións a cargo das persoas titulares de diferentes Subsecretarías co fin de expor, debater e dar a coñecer proxectos destacados do Plan de Recuperación, Transformación e Resiliencia, cuxa aplicación será crucial para a recuperación económica e social tras a crise sanitaria e que, necesariamente, terá un forte impacto nos órganos responsables da súa execución.

Son varios os aspectos a abordar: novas formas de contratación e de colaboración públicoprivada, planificación en materia de xestión de persoal, formación e capacitación, etc. Dada a diversidade de elementos para a análise, e a especificidade dos distintos bloques de reformas e investimentos que se inclúen no Plan de Recuperación, Transformación e Resiliencia, seleccionáronse, como mostra, varios ministerios de características moi distintas, que poden achegar, mediante as distintas intervencións programadas, un amplo abanico de solucións, envorcadas nos correspondentes instrumentos de planificación.

O ciclo de xornadas vai dirixido a empregadas e empregados públicos en xeral, e particularmente, a quen prestan servizo en unidades con responsabilidade directa ou indirecta na coordinación ou na xestión dos fondos europeos destinados ao Plan.

A sesión de clausura terá lugar o próximo 23 de xuño e correrá a cargo do Secretario de Estado de Política Territorial e Función Pública, polo que as persoas interesadas en asistir poden solicitar a súa inscrición a través da páxina web de INAP, nesta ligazón.

As gravacións de todas as sesións previas celebradas atópanse xa dispoñibles na canle de YouTube do INAP.