O Boletín Oficial do Estado (BOE) do pasado 12 de maio publicou a convocatoria de dous procesos selectivos para o ingreso, polo sistema xeral de acceso libre e promoción interna, no Corpo de Xestión da Administración da Seguridade Social.

O primeiro destes procesos está destinado a cubrir 300 prazas polo sistema xeral de acceso libre, mentres que o outro oferta 431 prazas polo sistema de promoción interna. Estas prazas están comprendidas no Real Decreto 211/2019, do 29 de marzo, polo que se aproba a oferta de emprego público para o ano 2019 e no Real Decreto 936/2020, do 27 de outubro, polo que se aproba a oferta de emprego público para o ano 2020.

O primeiro exercicio celebrarase nun prazo máximo de catro meses contados a partir do día seguinte á publicación da convocatoria no BOE. Do total das prazas convocadas reservaranse 18 do sistema xeral de acceso libre e 22 do sistema de acceso por promoción interna para ser cubertas por quen teñan a condición legal de persoas con discapacidade cun grao igual ou superior ao 33%.

A temática constase de Dereito civil, Dereito mercantil, Dereito constitucional e comunitario, Dereito administrativo, Xestión financeira, Administración de recursos humanos, Dereito laboral e Seguridade Social forman os oito bloques que inclúe o exame, nos que entran un total de 79 temas.

A convocatoria, que se pode consultar nesta ligazón, detalla as bases da mesma, así como os requisitos para participar nos procesos, os prazos e as instrucións para presentar as solicitudes, a composición do tribunal, a descrición dos procesos selectivos e o temario.