No Punto de Acceso Xeral (PAG), a través desta ligazón, atópase dispoñible o boletín semanal de emprego público e probas de capacitación correspondentes á semana do 1 ao 7 de setembro de 2020.

A publicación contén información relativa ás convocatorias de emprego público da Administración Xeral do Estado, das Comunidades Autónomas, da Unión Europea, Organismos Internacionais e da administración local, cuxos anuncios se publicaron no Boletín Oficial do Estado, correspondentes aos Concellos de capital de provincia, concellos de máis de 100.000 habitantes e daqueles que convoquen polo menos tres prazas.

Baixo o epígrafe de convocatorias de probas de capacitación profesional, inclúense aquelas que se convocan na Administracion Xeral do Estado e os seus organismos públicos vinculados ou dependentes, para facilitar o exercicio de determinadas profesións.

Os datos recollidos teñen carácter informativo, polo que é conveniente consultar as bases na publicación oficial correspondente.