Adjudicadas dúas concesións de 10 MHz a Telefónica e Orange na poxa da banda de 3,5 GHZ, unha das bandas prioritarias para o despregamento de redes 5G
21/02/2021
Esta mañá adxudicáronse dúas concesións de 10 MHz a cada un dos dous operadores que participaron na poxa de 20 MHz na banda de 3,5 GHZ (3.400-3.800 MHz), unha das bandas de frecuencias identificadas como prioritarias para o 5G en Europa.
Esta mañá adxudicáronse dúas concesións de 10 MHz a cada un dos dous operadores que participaron na poxa de 20 MHz na banda de 3,5 GHZ (3.400-3.800 MHz), unha das bandas de frecuencias identificadas como prioritarias para o 5G en Europa.
Telefónica e Orange resultaron adxudicatarios de 10 MHz cada un polo prezo de saída, 21 millóns de euros.
Se trataba dos últimos 20 MHz dispoñibles nesta banda. Despois das adxudicacións desta licitación, a banda de 3,5 GHZ conta coas seguintes concesións:
Orange 110 MHz
Telefónica 100 MHz
Vodafone 90 MHz
Más Móvil 80 MHz
O seguinte paso será realizar a reorganización das frecuencias co fin de que todos os operadores dispoñan de bloques contiguos de frecuencias e facer, por tanto, un uso máis eficiente do espectro radioeléctrico no despregamento da tecnoloxía 5G e os seus servizos.
A licitación constou de dúas roldas e desenvolveuse a través dunha Plataforma Electrónica de Poxas (PES) segura, empregando o mecanismo de poxa simultánea ascendente de múltiples roldas. Todas as concesións estarán vixentes ata decembro de 2038 co fin de facilitar un marco estable e de certeza aos operadores.
España Digital 2025
A Estratexia de Impulso da Tecnoloxía 5G é unha prioridade da axenda España Digital 2025, presentada o pasado 23 de xullo de 2020, así como do Plan de Recuperación, Transformación e Resiliencia da economía española, cuxas liñas xerais se presentaron o 7 de outubro de 2020.
A Estratexia ten como obxectivo que no ano 2025 o 75% da poboación teña cobertura de 5G mediante as bandas que foron identificadas como prioritarias: 694-790 MHz, 3.400-3.800 MHz e 24.25-27.5 GHZ. Por iso o primeiro eixo da Estratexia é pór a disposición dos operadores estas bandas.
A Estratexia de Impulso da Tecnoloxía 5G conta cun investimento público de 300 millóns nos Orzamentos Xerais do Estado para 2021 e de 2.000 millóns de euros ata 2025 co fin de despregar estas redes que serán decisivas para impulsar a transformación dixital e contribuirán a mellorar a conectividade das zonas rurais.