Funtzio Publikoko Estatu Idazkaria, Lidia Sánchez Milán, Administrazio Publikoaren Konferentzia Sektorialaren buru izan da atzo, asteazkena, Autonomia Erkidegoekin, Ceuta eta Melillako Hiri Autonomoekin eta Udalerrien eta Probintzien Espainiako Federazioarekin (FEMP).
Bideokonferentzia bidez egin da bilera, eta Juan Jesús Torres Ekonomia Gaietarako eta Eraldaketa Digitalerako Ministerioko Administrazio Digitaleko idazkari nagusiak, Juan Fernando Muñoz Osasun Ministerioko Osasun Sistema Nazionaleko Osasun Digitaleko idazkari nagusiak eta Isabel Borrel Funtzio Publikoko zuzendari nagusiak ere parte hartu dute.
Ministroen Kontseiluak atzo emandako baimenaren jarraipen gisa, Konferentzia Sektorialak Berreskuratze, Eraldaketa eta Erresilientzia Planeko 11. osagaiaren (3. inbertsioa) “Autonomia-erkidegoen eraldaketa digitala eta modernizazioa” inbertsiorako kredituak autonomia-erkidegoen artean banatzeko irizpideak eta proposamena onartu ditu. Kreditu horien zenbatekoa 118.227.745 eurokoa da 2021. urterako. Zenbateko hori 2021. urteari dagokion kreditua da; izan ere, Planeko 11. osagaiko 3. inbertsioak, autonomia-erkidegoetako digitalizazio-proiektuei buruzkoak, 578.600.000 euroko kreditua du guztira, 2021., 2022. eta 2023. urteen artean banatzeko.