Administrazio Publikoaren Institutu Nazionalak (INAP) Etengabeko Garapen Profesionaleko Programako hainbat prestakuntza-jarduera antolatu ditu.

Programa honen helburua da administrazio publikoetan lan egiten duten pertsonen gaitasun profesionalak etengabe hobetzea. Gaitasunen ikuspegian oinarrituta dago. Ikuspegi hori praktikoa da, eta lanpostua du ardatz. Jarduera orokorra eta zuzendaritza-jarduna azpiprogrametan hedatzen da, eta azpiprograma horiek NAPIren prestakuntza-eskaintzaren zati nagusia egituratzen dute.

Gaur egun, irekita dago hainbat prestakuntza-jardueratan izena emateko epea:

• 2022ko lehen seihilekoari dagozkion Jarduera Orokorreko Azpiprogramako prestakuntza-ekintzak, 2022ko urtarrilaren 7ra arte.
• Informazio- eta komunikazio-teknologien segurtasunaren arloko prestakuntza-ekintzak, Zentro Kriptologiko Nazionalarekin lankidetzan, urtarrilaren 4ra arte aurkeztu behar dira eskaerak (STIC Informazioaren eta Komunikazioaren Teknologien Segurtasunari buruzko XIX. Ikastaroa eta STIC-Ziberzaintza VI. Ikastaroa), eta, gainerako jardueretarako, 2022ko urtarrilaren 14ra arte.
• Zuzendaritza Betetzeko Azpiprogramako prestakuntza-ekintzak, 2022ko lehen hiruhilekoari dagozkionak, 2022ko urtarrilaren 7ra arte.