Herri Administrazioaren Europako Institutuak (EIPA) online ikastaro berrien deialdia egin du:

Lehenengoa, “Ezagutzaren kudeaketa, zer egin behar den eta zer ez”

Ezagutzaren kudeaketak (KM) zeregin integrala du zerbitzu publikoan. Ezagutzen kudeaketa erabiltzeak erraztu egiten du ezagutza modu kolektiboan sortzea, trukatzea eta aplikatzea gizabanakoen eta erakundeen artean, helburuak modu koherentean lortzen lagunduz.

Bigarrena profesionalentzako mintegia da: Kontratazio publikoaren arloko Europako arauak, politikak eta praktikak

Hiru eguneko on line mintegi honek Europako kontratazio publikoko politikaren printzipioak eta prozedurak ulertzeko aukera emango dizu, kontratazio publikoari buruzko zuzentarauak eta dagokion jurisprudentzia oinarri hartuta. 2014/24/EB Kontratazio Publikoari buruzko Zuzentarauaren eta 2014/25/EB Zerbitzu Publikoei buruzko Zuzentarauaren bidez gidatuko da.

Herri Administrazioaren Europako Institutua Europako sektore publikoaren ikaskuntza- eta garapen-zentro nagusia da. Europaren integrazioari buruzko prestakuntza espezializatua ematen du, eta EBko estatu kideen eta Europako erakundeen beharrei erantzuten die.