Estatuko Administrazio Orokorraren Gardentasun Atariak aldian-aldian informazioa argitaratzen du kontratazio zentralizatuko produktuak erosteko eta zerbitzuak emateko esparru-akordioetan oinarritutako kontratuei buruz, Gardentasunari buruzko Legearen 8.1.a) artikuluan araututako esparruan.

Esparru-akordioa kontratazioa arrazionalizatzeko modua da, kontratu guztietarako baldintza edo termino komun batzuk aurreikustean datzana, kontratuen kudeaketa errazteko eta erakunde edo entitateen atxikimendua errazteko.

Esparru-hitzarmenetan oinarritutako kontratu-kopuruari buruzko Gardentasunaren Atariko azken argitalpenean (2020ko abuztua), berrikuntzak sartu dira informazio horren aurkezpenean. Formatu bisualagoa dute grafikoek. Hala, 2020. urte osoan zehar hilez hil argitaratutako esparru-akordioan oinarritutako kontratuei buruzko informazioa lortzen da, eta, gainera, 2014tik —urte horretan hasi zen Gardentasunaren Ataria martxan— gaur egun arte izan duen bilakaera.

Esteka honetatik:, “Erakutsi informazio guztia” sakatzean, zerrenda bat lortzen da, esleipen-dataren arabera ordenatua, eta haietako bakoitzaren laburpen txiki bat, esleipendunari, zenbatekoari eta kontratazio-organoari buruzko informazioarekin.